Die Verhoor (1980)

Ek werk vir die eerste keer sedert Die Keiser weer saam met Francois Swart en die keer aan 'n heelwat groter rol. Wat 'n uitdaging! Francois het jou gedruk en ek wil amper sê gemaal tot hy tevrede was met jou vertolking. Dit was dikwels 'n pynlike proses, maar as jy vas gebyt en volhard het, kon jy altyd trots wees op die eind resultaat. En jare later besef hoeveel jy by hom geleer het, dat elke skermutseling en elke druppel sweet die moeite werd was. Ek is vandag nog trots op die produksie met puik vertolkings deur Louis van Niekerk, Don Lamprecht, Wilna Stockenström en al die ander akteurs. Weereens was daar blanke akteurs wat "bruin" rolle gespeel het. 'n Bekende kuns publikasie van die tyd het selfs 'n foto van 'n "bruin" Pierre van Pletzen geplaas as bewys dat daar veelrassigheid in SA toneel bestaan. Verskoon tog die onderstreepte deeltjie in die resensie, ek was nog baie jonk en onskuldig!

Credits